नवरात्र उत्सव माहिती २०२५
नवरात्र काळात तुळजापूरला येणाऱ्या लाखो भाविकांना उत्सवाची संपूर्ण आणि अचूक माहिती देणे हा मुख्य उद्देश आहे.
२२ सप्टेंबर २०२५ ते ७ ऑक्टोबर २०२५ पर्यंत
शारदीय नवरात्र महोत्सवातील शके १९४७ धार्मिक कार्यक्रम माहिती पत्रिका
सर्व मंगल मांगल्ये शिवे सर्वार्थ साधिके।
शरन्ये त्रयम्बिके गौरी नारायणी नमोस्तुते।।
।। जय भवानी ।।
श्री तुळजाभवानी देवीच्या नवरात्र उत्सवात आपले मनःपूर्वक स्वागत!
श्री क्षेत्र तुळजापूर येथील शारदीय नवरात्र उत्सव हा केवळ महाराष्ट्रासाठीच नव्हे, तर संपूर्ण देशातील भक्तांसाठी एक अनमोल सोहळा असतो. आई भवानीच्या या उत्सव काळात येणाऱ्या भाविक भक्त आणि तुम्हाला सर्व माहिती सहज उपलब्ध व्हावी, यासाठी श्री तुळजाभवानी देविजीचे वंशपरंपरागत अधिकृत पुजारी श्री नागेश साळुंके यांच्या वतीने हे पेज तयार करण्यात आले आहे.
1. नवरात्र उत्सवाचा कालावधी
- ● घटस्थापना: अश्विन शु. ।।०१।। सोमवार दि. २२ सप्टेंबर २०२५ पहाटे श्री. देवीजींची तुळजाभवानी मातेची सिंहासनावर प्रतिष्ठापणा, अभिषेक पंचामृत महापुजा, नैवेद्य व दुपारी १२ वा. घटस्थापना व सायं. अभिषेक पंचामृत महापुजा, नैवेद्य, आरती व रात्रौ छबिना.
- ● महानवमी: अश्विन शु. ।।०९।। बुधवार दि. ०१ ऑक्टोबर २०२५ महानवमी (खंडे नवमी) श्री. देवीजींची नित्योपचार महापुजा व दुपारी १२.०० वा. होमावर धार्मिक विधी व घटोत्थापन (घट उठविणे) व रात्रौ पलंग पालखीची मिरवणूक.
- ● विजयादशमी (दसरा): अश्विन शु. ।।१०।। गुरुवार दि. ०२ ऑक्टोबर २०२५ विजयादशमी (दसरा) उषःकाली श्री देविजींची शिबीकारोहन, मंदिराभोवती मिरवणूक व मंचकी निद्रा, सार्वजनिक सिमोल्लंघन.
- ● मंदिर पौर्णिमा: आश्विन शुध्द ।।१५।। मंगळवार दि. ०७ ऑक्टोबर २०२५ मंदिर पौर्णिमा व पहाटे श्रीदेविजींची सिंहासनावर प्रतिष्ठापणा, नित्यउपचार पुजा व सोलापूर काठ्यासह आरती, रात्रौ छबिना.
- ● उत्सवाची सांगता: पौर्णिमा १५।। मंगळवार दि. ०७ ऑक्टोबर २०२५.
2. यात्रा काळात भाविकांसाठी विशेष सूचना माहिती
- नवरात्र काळात दर्शनासाठी मोठी गर्दी असते, त्यामुळे दर्शना साठी अधिक वेळ लागू शकतो. दर्शनाच्या वेळेत श्री तुळजाभवानी व्यवस्थापन यांच्या द्वारे बदल होऊ शकतो, त्यामुळे आवश्यक सर्व प्राथमिक साहित्य जसे की औषधे, पाणी, नाश्ता पदार्थ इत्यादी बाबत आपण विचार करावा.
- दर्शन पासची सोय वेताळभाग येथील नगरपालिका कार पार्किंग येथे, यात्रा उत्सवासाठी निर्माण करण्यात आलेल्या मंडप आणि दर्शन रांग येथे मिळेल. या मध्ये बदल होऊ शकतो.
- भाविक भक्तांनी यात्रा काळात मंदिरात येताना मौल्यवान वस्तू किंवा जास्त सामान आणू नये.
- स्थानिक प्रशासन आणि मंदिर प्रशासनाने दिलेल्या सूचनांचे पालन करावे. सदरील सर्व यंत्रणा यात्रा उत्सवातील भाविक भक्तांच्या सेवा-सुविधेसाठी कार्यरत असतात, त्यांना सहकार्य करणे सर्वांचे कर्तव्य आहे.
- लहान मुले, आजारी व्यक्ती आणि वृद्ध व्यक्तींची विशेष काळजी घ्यावी.
3. उत्सवातील ऑनलाइन सेवा
- नवरात्र काळात तुम्ही देवीची ऑनलाइन पूजा किंवा अभिषेक बुक करू शकता.
- उत्सवातील काही प्रमुख दैनंदिन माहिती साठी WhatsApp +91 9923050807 ला भेट द्या.
- अधिक माहिती किंवा पूजेच्या बुकिंगसाठी आमच्या ' तुळजाभवानी पूजा सेवा' पेजला भेट द्या किंवा थेट संपर्क साधा.
1. भाविक सेवा सुविधा
पेजचा उद्देश: तुळजापूर मध्ये दर्शनासाठी येणाऱ्या भाविकांना यात्रा काळात उपलब्ध असलेल्या तुळजापूर मधील सोयी-सुविधांची माहिती देऊन त्यांचा प्रवास सुकर करणे — हि एक प्रकारे भाविकांची सेवा केल्यासारखे आहे.
भाविक सेवा आणि सुविधा | श्री क्षेत्र तुळजापूर
श्री तुळजाभवानी मातेच्या दर्शनासाठी आलेल्या सर्व भाविकांचे स्वागत आहे. आई भवानीच्या चरणी लीन होण्यासाठी येणाऱ्या प्रत्येक भक्ताचा प्रवास आरामदायी आणि सुलभ व्हावा, यासाठी आम्ही विविध सेवा आणि सुविधा बाबतची माहिती उपलब्ध करून दिल्या आहेत.
2. निवास व्यवस्था (Accommodation)
- धर्मशाळा, निवास, हॉटेल आणि लॉज : तुळजापूर मध्ये अनेक भक्त निवास, लॉज, यात्री निवास, पुजारी यांच्या कडे निवासाची सोय आहे.
- तुळजापूर मध्ये विविध परिसरातील प्रमुख धर्मशाळा तसेच शहरात अनेक खाजगी हॉटेल्स आणि लॉजची सोय आहे.
3. स्थनिक प्रशासन यांनी यात्रा काळात भाविकांसाठी आवश्यक सुविधा
- चप्पल/बॅग स्टँड (क्लॉक रूम): सामान आणि पादत्राणे सुरक्षित ठेवण्याची सोय.
- पिण्याचे पाणी: मंदिर परिसरात शुद्ध आणि थंड पाण्याची उपलब्धता.
- स्वच्छतागृह: महिला आणि पुरुषांसाठी स्वतंत्र आणि स्वच्छ स्वच्छतागृह.
- माहिती केंद्र: मदतीसाठी किंवा माहितीसाठी संपर्क ठिकाण.
4. वाहतूक आणि वाहनतळ (Transport and Parking)
- वाहनतळ माहिती : धाराशिव रोड लगत नवीन पार्किंग — पत्ता Qr
- आठवडा बाजार पार्किंग व्यवस्था — पत्ता Qr
- भाई उद्धराव पाटील पार्किंग व्यवस्था — पत्ता Qr
- मंदिर परिसरात अधिकृत वाहनतळाची माहिती आणि नकाशा उपलब्ध.
5. सुरक्षितता आणि वैद्यकीय सेवा (Security and Medical Services)
- पोलीस मदत केंद्र: आपत्कालीन परिस्थितीत मदतीसाठी तुळजापूर शहरात पोलीस मदत केंद्रांची अनेक ठिकाणी सोय आहे.
- प्रथमोपचार केंद्र: गरजेच्या वेळी वैद्यकीय मदतीसाठी तुळजापूर शहरात अनेक ठिकाणी प्रथमोपचार केंद्रांची उपलब्धता असेल.
तुमचा तुळजापूर मधील यात्रा दर्शन, कुलधर्म कुलाचार, पूजा सेवा, आपल्या रूढी-परंपरा, प्रवास इत्यादी सर्व सुखकर व्हावा हीच आई जगदंबेचरणी प्रार्थना! श्री तुळजाभवानी मातेचे पुजारी यांच्या मार्फत भाविक भक्त यांना माहितीसाठी एक सेवा प्रयत्न...
