ॐ
Loading Seva
नवरात्र उत्सव कार्यक्रम माहिती पत्रक २०२६
नवरात्र काळात तुळजापूरला येणाऱ्या लाखो भाविकांना उत्सवाची संपूर्ण आणि अचूक माहिती देणे हा मुख्य उद्देश आहे.
दिनांक ११ ऑक्टोबर २०२६ ते दिनांक २१ ऑक्टोबर २०२६
ऑनलाइन पूजा बुकिंगसाठी वेबसाईट: www.tuljapurpujari.com
सर्व मंगल मांगल्ये शिवे सर्वार्थ साधिके।
शरन्ये त्रयम्बिके गौरी नारायणी नमोस्तुते॥
✦
।। जय भवानी ।।
श्री तुळजाभवानी देवीच्या नवरात्र उत्सवात आपले मनःपूर्वक स्वागत !
|| श्री क्षेत्र तुळजापूर शारदीय नवरात्र उत्सव || कुलस्वामिनी श्री तुळजाभवानी देवीची माहिती, उत्सव वेळापत्रक व भाविकांसाठी विशेष सेवा श्री क्षेत्र तुळजापूर येथील शारदीय नवरात्र उत्सव हा केवळ महाराष्ट्रासाठीच नव्हे, तर संपूर्ण जगभरातील कोट्यवधी भक्तांसाठी एक अनमोल, अलौकिक आणि आत्मानंदाचा सोहळा असतो. या पावन पर्वकाळात आई भवानीच्या दर्शनासाठी आणि अनुष्ठानासाठी येणाऱ्या प्रत्येक भाविक भक्ताला महोत्सवाची अचूक व अधिकृत माहिती सहज उपलब्ध व्हावी, यासाठी श्री तुळजाभवानी देवीचे वंशपरंपरागत अधिकृत पुजारी - श्री नागेश साळुंके यांच्या वतीने हे माहितीपत्रक तयार करण्यात आले आहे. शारदीय नवरात्रोत्सवाचे धार्मिक महत्त्व तुळजापूर हे एक पूर्ण शक्तिपीठ मानले जाते. येथील नवरात्रौत्सव हा देवीच्या 'निद्रा', 'जागरण' आणि 'विजय' या तीन महत्त्वाच्या टप्प्यांचा अलौकिक संगम असतो. या ९ दिवसांत श्री तुळजाभवानी देवीची उपासना, अभिषेक, आणि साडी अर्पण सेवा केल्याने कुटुंबात सुख, समृद्धी आणि आरोग्य लाभते अशी भाविकांची दृढ श्रद्धा आहे.
1. श्री तुळजाभवानी देवी शारदीय नवरात्र महोत्सव | घटस्थापना मुहूर्त, मुख्य तारखा व नित्य पूजा वेळापत्रक
✦
- ✦ घटस्थापना :- रविवार ११ ऑक्टोबर २०२६: नवरात्रारंभ : पहाटे देवतेची सिंहासन प्रतिष्ठापना आणि दुपारी १२:०० वाजता घटस्थापना आणि रात्री छबिना उत्सव .
- ✦ललिता पंचमी: गुरुवार १५ ऑक्टोबर २०२६: ललित पंचमी : श्री तुळजाभवानी रथ अलंकार महापूजा आणि रात्री छबिना उत्सव.
- ✦दुर्गा अष्टमी : सोमवार १९ ऑक्टोबर २०२६: श्री तुळजाभवानी व महिषासुरमर्दिनी अलंकार महापूजा व रात्री छबिना उत्सव.
- ✦महानवमी (खंडे नवमी) :-मंगळवार २० ऑक्टोबर २०२६: दु. १२:०० वाजता: धार्मिक विधी (यज्ञ विधी), श्री तुळजाभवानी महापूजा, घटोत्थापन आणि रात्री पालखी उत्सव.
- ✦विजयादशमी आणि सिमोलंघन,:- बुधवार २१ ऑक्टोबर २०२६: विजयादशमी आणि सिमोलंघन, पहाटे देवतेचे शिबिकोरोहन आणि श्री तुळजाभवानीची मंचकी निद्रा.
- ✦श्री तुळजाभवानी पौर्णिमा सोमवार २६ ऑक्टोबर २०२६: श्री तुळजाभवानी पौर्णिमा उत्सव आणि सोलापूर काटी व जोगवासह चाबिना उत्सव.
2. यात्रा काळात भाविकांसाठी विशेष सूचना माहिती
✦
- ✦नवरात्र काळात दर्शनासाठी मोठी गर्दी असते, त्यामुळे दर्शनासाठी अधिक वेळ लागू शकतो.
- ✦दर्शनाच्या वेळेत श्री तुळजाभवानी व्यवस्थापन यांच्या द्वारे बदल होऊ शकतो, त्यामुळे आवश्यक सर्व प्राथमिक साहित्य जसे की औषधे, पाणी, नाश्ता पदार्थ इत्यादी बाबत आपण विचार करावा.
- ✦दर्शन पासची सोय वेताळभाग येथील नगरपालिका कार पार्किंग येथे मिळेल.
- ✦स्थानिक प्रशासन आणि मंदिर प्रशासनाने दिलेल्या सूचनांचे पालन करावे.
- ✦लहान मुले, आजारी व्यक्ती आणि वृद्ध व्यक्तींची विशेष काळजी घ्यावी.
3. उत्सवातील ऑनलाइन सेवा
✦
- ✦नवरात्र काळात तुम्ही देवीची ऑनलाइन पूजा किंवा अभिषेक बुक करु शकता.
- ✦उत्सवातील काही प्रमुख दैनंदिन माहिती साठी WhatsApp +91 9923050807 ला भेट द्या.
1. भाविक सेवा सुविधा
पेजचा उद्देश: तुळजापूर मध्ये दर्शनासाठी येणाऱ्या भाविकांना यात्रा काळात उपलब्ध असलेल्या तुळजापूर मधील सोयी-सुविधांची माहिती देऊन त्यांचा प्रवास सुकर करणे.
भाविक सेवा आणि सुविधा | श्री क्षेत्र तुळजापूर
✦
श्री तुळजाभवानी मातेच्या दर्शनासाठी आलेल्या सर्व भाविकांचे स्वागत आहे. आई भवानीच्या चरणी लीन होण्यासाठी येणाऱ्या प्रत्येक भक्ताचा प्रवास आरामदायी आणि सुलभ व्हावा, यासाठी आम्ही विविध सेवा आणि सुविधा बाबतची माहिती उपलब्ध करून दिल्या आहेत.
2. निवास व्यवस्था (Accommodation)
✦
- ✦धर्मशाळा, निवास, हॉटेल आणि लॉज : तुळजापूर मध्ये अनेक भक्त निवास, लॉज, यात्री निवास, पुजारी यांच्या कडे निवासाची सोय आहे.
- ✦तुळजापूर मध्ये विविध परिसरातील प्रमुख धर्मशाळा तसेच शहरात अनेक खाजगी हॉटेल्स आणि लॉजची सोय आहे.
3. स्थनिक प्रशासन यांनी यात्रा काळात भाविकांसाठी आवश्यक सुविधा
✦
- ✦चप्पल/बॅग स्टँड (क्लॉक रूम): सामान आणि पादत्राणे सुरक्षित ठेवण्याची सोय.
- ✦पिण्याचे पाणी: मंदिर परिसरात शुद्ध आणि थंड पाण्याची उपलब्धता.
- ✦स्वच्छतागृह: महिला आणि पुरुषांसाठी स्वतंत्र आणि स्वच्छ स्वच्छतागृह.
- ✦माहिती केंद्र: मदतीसाठी किंवा माहितीसाठी संपर्क ठिकाण.
4. वाहतूक आणि वाहनतळ (Transport and Parking)
✦
- ✦वाहनतळ माहिती : धाराशिव रोड लगत नवीन पार्किंग
- ✦आठवडा बाजार पार्किंग व्यवस्था
- ✦भाई उद्धराव पाटील पार्किंग व्यवस्था
- ✦मंदिर परिसरात अधिकृत वाहनतळाची माहिती आणि नकाशा उपलब्ध.
आठवडा बाजार पार्किंग
9 Min (610m)
भाई उद्धवराव पाटील सभागृह पार्किंग
14 Min (610m)
धाराशिव रोड पार्किंग (अग्निशमन केंद्र)
वेताळ नगर पार्किंग भवानी कुंड जवळ
5. सुरक्षितता आणि वैद्यकीय सेवा (Security and Medical Services)
✦
- ✦पोलीस मदत केंद्र: आपत्कालीन परिस्थितीत मदतीसाठी तुळजापूर शहरात पोलीस मदत केंद्रांची अनेक ठिकाणी सोय आहे.
- ✦प्रथमोपचार केंद्र: गरजेच्या वेळी वैद्यकीय मदतीसाठी तुळजापूर शहरात अनेक ठिकाणी प्रथमोपचार केंद्रांची उपलब्धता असेल.
।। ॐ श्री भवानी देव्यै नमः ।। श्री तुळजाभवानी मातेचे दर्शन आणि विविध पूजा सेवेसाठी आपली तुळजापूरची ही यात्रा अत्यंत सुखद, मंगलमय आणि आदरयुक्त जावो, अशी आदिशक्ती कुलस्वामिनी श्री तुळजाभवानी चरणी आम्ही कोटी कोटी प्रार्थना करतो!